C to C-Concept to Clean ( સી ટુ સી-કોન્સેપ્ટ ટુ કલીન) स्वच्छता जागृति अभियान

સ્વચ્છતા જાગૃતિ અભિયાન... આજરોજ 378 માં રવિવારે  C to C પરિવારના સભ્યોએ એલીકોન સર્કલથી શરુ કરીને ADIT કોલેજ સુધીના રાજમાર્ગ પર કલેક્ટરશ્રી દ્વારા થયેલ સફાઈ, વૃક્ષ કટીંગ, પાણી નિકાલ વગેરે જેવાં સફાઈને લગતાં પ્રશ્નો અને મૂલ્યાંકન/અવલોકન અર્થે એક બાઈક રેલી કાઢીને આ વિસ્તારની સોસાયટીઓમાં ઘેર ઘેર ફરીને સ્વચ્છતા જાગૃતિ અભિયાન ચલાવ્યું હતું. આજના આ કાર્યક્રમમાં પણ કલેક્ટરશ્રીની મુલાકાત-ઉપસ્થિતિથી સૌ સભ્યોનો ઉત્સાહ બેવડાયો હતો. રેલીને અંતે એક લઘુ નાટિકાના રેકોર્ડિંગ દ્વારા સ્વચ્છતા અંગેનો એક સુંદર મેસેજ લોકોને પહોંચાડવામાં આવ્યો હતો.

આજરોજ સી ટુ સી પરિવારના 377 માં રવિવારે સભ્યોએ નગર પાલિકાના સહયોગમાં આણંદના નવા બસ સ્ટેન્ડ ખાતે એકત્ર થઈ બસ સ્ટેન્ડ એરીયા, આસપાસના લારી-ગલ્લાં, તમામ બસ મથકોએ સફાઈ કરી હતી તેમજ પ્લાસ્ટિકનો ઉપયોગ અટકાવવા તેમજ જાહેર સ્થળોએ ગંદકી ના કરવા લોકોને અપીલ કરી હતી.

C to C એ કલેક્ટરશ્રી, આણંદના મોટા ભાગના વિસ્તારોમાં વધી રહેલી ગંદકી, કચરાના ઢગલાં અને ખુલ્લી ગટરો બાબતે સત્તાધીશો અને તંત્રની ઘોર બેદરકારી બાબતે અપીલ કરી એક ગૂગલ ફોર્મથી ઝૂંબેશ ચલાવતાં એનો સારો પ્રતિભાવ કલેક્ટરશ્રી દ્વારા પ્રાપ્ત થયો અને એમણે યુદ્ધના ધોરણે સફાઈ કામ કરવાના આદેશો આપ્યાં એટલું જ નહીં, પણ સ્વચ્છતા અંગે નિયમિત સફાઈને મામલે રખાતી ઉપેક્ષા, લોકોની કૂટેવો અને લાલ આંખ કરી આ પ્રવૃત્તિઓને નિયમિત કરવાના આદેશો જારી કરી દીધાં છે... આભાર કલેક્ટર સાહેબશ્રી...